Las sorgas d'energia - Eduscol

Rampèl del trabalh suls besonhs en energia :

Avèm besonh d'energia per se desplaçar, per viure, per efecutar un moviment.
L'electricitat es una forma d'energia segondària que provén de diferentas sorgas d'energia.

Sul vòstre quasèrn de recèrca, escrivètz las sorgas d'energia que conéissetz.

Escritura pels mainatges sus lor quasèrn de recèrca

Mesa en comun de las representacions inicialas amb argumentacion per cada responsa.

Escritura de las responsas al tablèu

Afichatge de las fotòs : 3, 4, 7, 8, 9, 10, 13, 14, 15 sens lors titóls

Identificacion pels escolans de las sorgas d'energia qu'an enonciadas e validacion de las prepausicions (manca lo vent)

Mèfi de far plan la distincion entre sorga d'energia e dispositiu de transformacion de l'energia

Discussion argumentada entre escolans sus las trigas afichadas al tablèu.

Sorgas d'energia : aiga, vent, Solelh, carbon, petròli, urani, magmà

Objèctes que permeton l'espleitacion d'aquelas sorgas d'energia : eolianas, barratge, poses, centralas (termicas, solaras e nuclearas)

Espleitacions non representadas que podèm trobar : calfatge a la lenha (chiminèa o fornet), incineracion dels rebuts, geotermia)

Qué nos cal reténer d'uèi ?

Los umans an besonh d'energia per viure. Tèrra e l'univèrs compòrtan diferentas sorgas d'energia :

- Sorgas d'energia que venon del sossòl : petròli, gas, carbon, urani, magmà (sorga d'energia termica)

- Sorgas d'energia a la susfàcia de la tèrra : la lenha, las plantas (biomassa), l'aiga (retengudas e marèas)

- Sorgas d'energia que venon de l'atmosfèr  o de l'univèrs : lo vent, lo Soleil

L'activitat umana consòma d'energia e produch de rebuts. D'unes rebuts son utilizables coma sorga d'energia.

Leiçon a escriure dins lo quasèrn de sciéncias.

Escritura al tablèu de las diferentas sorgas d'energia listadas dins la primièra sesilha.

Presentacion rapida de las cartas de recèrca

Los trabalhs son afichats dins la BCD. Los escolans se van passejar d'un grop a l'autra per descobrir lo fonccionament de cada mòde d'espleitacion de las sorgas d'energia. Dins cada grop, un dels escolans demòra en fàcia de l'aficha per poder explicar als autres.

Per cada aficha, vos cal escriure una frasa que resuma lo trabalh del grop.

Mesa en comun de las frasas trobadas per resumir cada aficha

Elaboracion d'una traça escrita comuna a partir de las afichas realizadas

Afichar al tablèu un a un los imatges e demandar als escolans lo nom de la sorga d'energia concernida.

Escriure jos cada imatge lo nom de la sorga d'energia (aiga, urani, Solelh, petròli, magmà, biomassa, gas e carbon)

Cal pas classar los imatges al tablèu.

Afichatge al tablèu de las etiquetas.

Demandar las justificacions a cada grop.

Gropar las trigas identicas a partir de las justificacions dels diferents gropes.

Argumentacion sul classament en doas categorias : ressorgas renovelablas e pas renovelablas (agotablas)

Presentacion d'una animacion facha pel CEA

http://www.cea.fr/multimedia/Pages/animations/energies/diverses-sources-d-energie.aspx

Avaloracion individuala sul trabalh efectuat sus las sorgas d'energia.