Las escalas

Distribucion de la ficha d'exercici e lectura collectiva de la consigna :

Far tornar formular lo trabalh per un dels escolans e demandar als mainatges una verificacion a cada etapa del procediment

Distribuir una ficha quadrilhada a cada mainatge del grop e una ficha recapitulativa

Mesa en comun

Comparason dels diferents plans : quinas son las diferéncias, quinas son las causas identicas, perqué ?

Institucionalizacion : Per agrandir una figura, cal multiplicar totas las longors per un meteis nombre. La figura deu gardar sa forma iniciala.

Lo còp passat avèm agrandit los mòbles de la cambra de Figura. Avèm vist que per agradir una figura caliá multiplicar tota las longor per un meteis nombre, que las figuras gardavan la meteissa forma. D'uèi, Figurina vòl redusir lo plan de sa cambra. Per dos, vos caldrà traçar lo novèl plan redusit e explicar cossí avètz fach per trobar las novèlas longors.

Far tornar explicar a un mainatge lo trabalh a efectuar.

Mesa en comun

Avèm devesit per 4 e multiplicat per 3 cada longor

Avèm multiplicat cada longor per 0,75 o per 3/4

Institucionalizacion : Per redusir una figura, cal trobar lo rapòrt entre l'anciana longor e la novèla puèi l'utilizar per trobar totas las autras longors.

A far dins lo plan de trabalh o dins un temps previst en classa.

Exercici 3 p.136

Tornar traçar lo segment rotge (lo mai a esquèrra) abans de distribuir los trabalhs)

Vaquí una carta de Lisla d'Albigés. Vos cal coloridar l'escòla e lo collègi. Puèi vos va calér trobar la distància tota drech entre l'escòla e lo collègi. Trabalharètz per binòmi.

Verificar lo reperatge e far tornar dire a un escolan

Mesa en comun :

Avèm trobar que 200m es 2cm, puèi avèm mesurat una distància de 10 cm. Doncas fa 1000m, siá 1 km.

Verificacion sul siti de Geoportail (possibilitat de mesurar las distàncias)

Novèl trabalh de recèrca

Quin es lo rapòrt entre la longor realza e la longor sul plan ? De quantes còps es mai bèl en realitat ?

Mesa en comun

1 m es egal a 100cm doncas, 100 m es egal a 10 000cm.

100 m dins la realitat, es 1 cm sul plan. Doncas lo plan es 10 000 còps mai pichon. Lo rapòrt es doncas 1/10 000.

Institucionalizacion : Lo rapòrt entre una longor dins la realitat e sus un plan se sona una escala. Dins lo nòstre cas, disèm que la carta es al 1 / 10 000. es a dire que la distància dins la realitat es 10 000 còps mai granda. Cal far plan mèfi a conservar las meteissas unitats.

Utilizar la nocion d'escala per calcular la distància percorreguda : rapòrt entre la carta e la realitat