Catalan

Los escolans son al canton.

"Anam descobrir una novèla lenga, qualqu'un nos pòt brembar çò qu'avem fach coma trabalh sus las familhas de lengas ?"

--> Interrogar un escolan que leva lo dit e lo daissar explicar çò dont se bremba. Se besonh, completar o demandar a d'autres d'o far.

"Alavetz, pensatz qu'es de quala familha aquela lenga ?"

--> Interrogar los escolans, ne far sortir qu'es de la familha 1, las lengas latinas que semblan a l'occitan e que podèm comprene mai o mens.

"De qué podèm remarcar de mai sus aquela lenga ?"

--> Ensajar de far sortir que la lenga sembla encara mai a l'occitan que lo castilhan e l'italian.

"Parlèrem d'aquela lenga que sembla fòrça a l'occitan quand trabalhèrem sus las familhas, vos brembatz de cossí se sona ?"

--> Interrogar e ajudar fins a trobar qu'es de catalan.

"E n'i a qu'an reperat d'especificitats de la lenga que tòrnan, o de palancas que podèm far amb l'occitan ?"

--> Interrogar los que vòlon parlar + Tornar legir d'especificitats qu'an mancat.

--> Demandar a un CM de marcar las palancas al tablèu e a un autre de las marcar sus una afica.

Palancas possiblas :  LL --> L   (LLOP)  /  V --> B (CAMBIAR) /  N  --> ND  / 

Semblanças : volia/voliá  / Los jorns de la setmana / colors

--> Aficar l'afica amb l'aficatge de las autras lengas.

"Quelqu'un nos pòt brembar quala lenga avèm descobèrta lo còp passat ?"

--> Interrogar los que levan lo dit.

"Lo còp passat, avèm parlat de las diferéncias e de las semblanças amb l'occitan, uèi vau tornar legir l'album e anatz ensajar de far de remarcas sus la prononciacion del catalan."

"Alavetz de qué podèm remarcar ?"

--> Demandar a un CM de marcar al tablèu çò que remarcam.

Remarcas possibles :

Diferéncias : rotlam la r / o [o] / u [u] (ou) / ll [ʎ] /

Semblanças : v [b] / e [e] / diftongas

Cada grop presenta una devinhòla e marcam la responsa (en catalan) al tablèu.

Cadun marca la responsa a sa devinhòla sus son paperòt e pega dins lo quasèrn.

"Qual pòt brembar quala lenga descobrissèm e çò qu'avèm vist ?"

--> Interrogar los qu'an causas de dire, tornar legir l'afica, e brembar las particularitats de lectura.

En binòme, ensajan de tornar utilizar las frasas per dialogar.

--> La regenta passa dins los grops per ajudar e marca de frasas en mai al tablèu se besonh.

--> Far escotar la cançon

"Alavetz, avètz reconegut la cançon ?"

--> Es Joan Petit mas en catalan.

Distribuir las paraulas, las tornar legir amb la fica. Las pegar sus un fuèlh pel classador.

--> La regenta escriu al tablèu las partidas qu'avèm fachas en mai e los escolans las tòrnan escriure sul fuèlh.

Turnam escotar la canon

"I a qualqu'un que se bremba de la dança qu'existís sus aquela cançon ?"

--> Se degun se bremba, la montrar.